स्थानिक स्वराज्य संस्थांच्या निवडणुक आज आरक्षण जाहीर झाले असून गावपातळीवर राजकीय घडामोडी वेगाने सुरू झाल्या आहेत. अनेक गावांमध्ये विविध पक्षांचे नेते, कार्यकर्ते आणि संभाव्य उमेदवार तयारीच्या मोडमध्ये दिसू लागले आहेत. अशात भारतीय जनता पक्षाचे तालुका उपाध्यक्ष व धोंडपारगावचे उपसरपंच पैलवान दत्ता भाऊ शिंदे यांनी शिऊर गणातून पंचायत समिती निवडणुकीसाठी जोरदार तयारी सुरू केली आहे.
पैलवान दत्ता भाऊ शिंदे हे विधान परिषद सभापती प्रा. राम शिंदे यांचे खंदे समर्थक म्हणून ओळखले जातात. पक्षासाठी त्यांनी अनेक वर्षे निष्ठेने काम करत पक्ष संघटनेला बळ दिले आहे. त्यांनी दिलेला वेळ, दाखविलेली निष्ठा आणि जनसंपर्क याच त्यांच्या उमेदवारीच्या प्रमुख ताकदी ठरतील, असा स्थानिकांचा विश्वास आहे.
पक्षनिष्ठा आणि नेतृत्वाचा विश्वास
शिऊर गणातून निवडणूक लढविण्याची त्यांची घोषणा झाल्यापासून परिसरात उत्सुकता निर्माण झाली आहे. उमेदवारीचा अंतिम निर्णय विधान परिषद सभापती प्रा. राम शिंदे यांच्या हातात असला तरी, स्थानिक कार्यकर्त्यांचा कल आणि जनतेचा उत्स्फूर्त प्रतिसाद पाहता पैलवान दत्ता भाऊ शिंदे यांच्या नावाला मोठा पाठिंबा मिळत आहे. पक्ष संघटनेतील सक्रिय कार्यकर्ते म्हणून त्यांनी गेल्या काही वर्षांत आपली भक्कम ओळख निर्माण केली आहे.
उपसरपंच म्हणून केलेल्या विकासकामांची दखल
धोंडपारगावचे उपसरपंच म्हणून काम करताना दत्ता भाऊ शिंदे यांनी गावात विविध विकासकामांना गती दिली. रस्ते, पिण्याचे पाणी, शेतकरी सुविधा, सार्वजनिक बांधकामे अशा अनेक योजना प्रभावीपणे राबविल्या. ग्रामपंचायतीच्या माध्यमातून त्यांनी गावात सलोखा आणि एकोपा राखत विकासाचा वेग वाढविला. त्यांच्या नेतृत्वाखाली गावगाडा स्थिर व पारदर्शक पद्धतीने चालविला गेला, अशी गावकऱ्यांची भावना आहे.
जनसंपर्क आणि सामाजिक बांधिलकी
राजकारणासोबत सामाजिक क्षेत्रातही दत्ता भाऊ शिंदे यांनी उल्लेखनीय कामगिरी केली आहे. विविध सामाजिक उपक्रमांतून त्यांनी युवकांना प्रोत्साहित केले, शेतकऱ्यांच्या प्रश्नांवर आवाज उठविला आणि गरजूंसाठी मदतीचा हात पुढे केला. या कामांमुळेच त्यांचा मोठा मित्र परिवार आणि लोकसंपर्काचा जाळा निर्माण झाला आहे.
विकासाच्या बळावर निवडणूक सज्ज
पैलवान दत्ता शिंदे हे भारतीय जनता पक्षाचे निष्ठावान कार्यकर्ते असून, पक्ष संघटनेतून त्यांनी सातत्याने सक्रिय भूमिका निभावली आहे. आता पंचायत समिती निवडणुकीच्या माध्यमातून ग्रामीण विकासासाठी पुढाकार घेण्याचा त्यांचा निर्धार आहे. त्यांच्या कार्यकाळातील अनुभव, नेतृत्वावर असलेला विश्वास आणि स्थानिक जनतेचा पाठिंबा पाहता शिऊर गणातील निवडणूक रंगतदार होणार, हे निश्चित दिसत आहे.
शिऊर गणातील ग्रामस्थांमध्ये चर्चा सुरू असून, “पैलवान दत्ता शिंदे हे विकासाचा चेहरा म्हणून पुढे यावेत,” अशी भावना अनेकांनी व्यक्त केली आहे.