कर्जत तालुक्यातील अळसुंदे येथील प्रा.प्रवीण भिकाजी आढाव यांना सावित्रीबाई फुले पुणे विद्यापीठाने नुकतीच रसायनशास्त्र विषयात पीएचडी पदवी प्रदान केली . ते १९९८ पासून एकनाथ सीताराम दिवेकर महाविद्यालय , वरवंड ता.दौंड जिल्हा पुणे येथे सेवेत कार्यरत आहेत. त्यांनी स्टडी ऑफ कंडक्टिंग पॉलिमर ट्राजेशन मेटल नॅनो कंपोजिट अँड देअर कॅटालायटीक ॲक्टिव्हिटी टुवॉर्ड्स द सिन्थेसिस ऑफ हीटरोसायक्लिक कंपाऊंड या विषयवार प्रबंध सादर केला होता. त्यांना नौरोसजी वाडिया महाविद्यालय , पुणे चे प्राचार्य डॉ.वसंत चाबुकस्वार यांचे मार्गदर्शन लाभले.त्यांनी ६ आंतरराष्ट्रीय नियतकालिकांतून शोध निबंध प्रकाशित केले आहेत. पीएचडी पदवी मिळाल्याबद्दल त्यांचे विविध ठिकाणी अभिनंदन होत आहे.